திண்ணை

ராமசந்திரன் உஷா

கேள்விகளை எழுப்பி
கொண்டே இருக்கிறார்கள்
பதில்களும் வந்துக்
கொண்டே இருக்கின்றன
கேள்விக்கான பதில்
இது இல்லையே என்கிறார்கள்
கேள்வி எழுப்பினாய்
பதில் சொல்லிவிட்டோம்
சரியில்லை என்றால்
எங்கள் பதிலுக்கான
கேள்வியை கேள் என்றார்கள்
மீண்டும் மீண்டும் கேள்விகள்
வந்துக் கொண்டே இருக்கின்றன
ஆனால் பதில் மட்டும்
அதற்கானது இல்லை
பதில்கள் ஒருநாள் தானே
தெரிந்து விடும்
கேள்விகளைக் கேட்பதை
நிறுத்திவிட்டால்!
————————-
ramachandranusha@rediffmail.com